Ang Kabataan sa Mata ng Mamamayan

Ang Kabataan sa Mata ng Mamamayan
ni Monaliza Matuguina
Ano nga ba ang kabataan sa mata ng mamamayan? Mga kabataang hindi nag- aaral? Mga kabataan na walang ginawa kundi magbulakbol at sumuway sa utos ng kanilang mga magulang? Mga kabataan na gumagamit ng ipinagbabawal na gamot? Kabataan sino ka pa ba sa mata ng mamamayan?
Itinuturing ng ating pambansang bayani na ang kabataan ang pag-asa ng bayan. Ngunit paano natin maituturing na tayong mga kabataan ang pag-asa kung hindi tayo nagiging magandang halimbawa para sa iba. Kung hindi man lamang tayo nagmamalasakit sa ating kapwa? Ngunit alam mo ba na bilang kabataan, malaki ang maiaambag mo sa pag-unlad ng bayan? Marami kang magagawa ngunit ayaw mo lang, marami kang mapapatunayan ngunit ayaw mo lang subukan. Wag mong sayangin ang oras at pagkakataon na marami kang magagawa dahil ang mga ito ay hindi na maibabalik pa.
Kaya kabataan, wag kang basta maupo lamang, wag kang magpatumpiktumpik pa, dahil ikaw kabataan sa mata ng mamamayan ikaw ay pag-asa ng ating bayan.