Hadlang nga Ba Ang kahirapan sa Pag-aaral?
Faye Lyn Dela Cruz

Hadlang nga ba ang kahirapan sa pag-aaral?
tanong ng kapwa kong kabataan,
Ako'y isang estudyante na nasa gitnang estado lamang,hindi mayaman,hindi rin kahirapan
Pero gaya ng iba,namomoblema rin ako sa aking matrikula,
At sa aking opinyon,ang isang taong marunong mangarap,ay hindi uso ang nakakabinging salitang"hadlang",
makaka pag-aral tayo,gamit ang ating sariling pagsisikap at pangarap,
Laban sa hirap at problemang ating kinasasadlakan,
Ako'y
naniniwala na tayong lahat ay makararating tungo sa ating pangarap gamit ating sariling paraan.

Ako'y nanggaling sa isang mahirap pamilya. Isang kahig, isang tuka- ganito ang klase ng pamilya mayroon ako. Ngunit sa kabila ng kahirapan namin ay pinagsikapan nang aking mga magulang na makatapos ako ng pag-aaral. Ilang taon din akong pumasok sa eskwelahan sa Pilipinas- anim na taon sa elementarya, apat na taon sa sekundarya, at anim na taon sa kolehiyo. Sa aking pag-aaral ay marami ring akong hirap na dinanas. Siguro kung hindi ako nagsikap na makatapos nang pag-aaral ay baka kung saan ako pulutin. Posibleng palamunin ako sa amin, maaaring tambay sa kanto at walang direksyon ang buhay.

Sa pagdaan ng taon at sa paulit-ulit na sitwasyon, isang katanungan ang nabuo sa aking isipan. "Bakit ako pinanganak na mahirap?" Sagot ko na lang sa aking tanong ay siguro may dahilan ang nasa Itaas kung bakit ko nararanasan ang mga ito.Dumating ang panahon at magtatapos na pala ako ng High School. Wala akong karangalang nakamit, ngunit sa aking puso at isipan ay buo ang aking loob na matutupad ko ang aking “munting pangarap”.