Lipunan ni Juan Dela Cruz

Aaronne Ace A. Acosta

“Sino nga ba si Juan?”. Ito ang palaging tanong sa akin ng aking bunsong kapatid sa tuwing maririnig nya ang pangalang ito sa balita, sa radio, o kahit sa simpleng usapan ng matatanda. Sinasabi ko na lang sa kanya na kung ang mga Amerikano ay may Uncle Sam, tayo naming mga Pilipino ay may Juan Dela Cruz. Tunay ngang dala ng pangalang ito ang dugo nating mga Pilipino. Ilan na ba ang Pilipinong nakilala sa ibang bansa dahil sa angkin nilang galling at talento?, pero teka, bakit sa ibang bansa?

Tayong mga Pilipino ang tunay na may colonial mentality o kung sasabihin sa mas madaling paraan ay ang pagtangkilik sa produkto, kabihasnan, at kultura ng ibang bansa.Ilan sa mga ito ay anng mga kaugaliang tila nakakaklimutan na ng kabataan ng ngayon tulad ng pagsasabi ng Po at Opo at ang pagmamano. Iilan na lang ba ang nakakaalaa sa kaugaliang ito? At ang huling huli ay ang “Brain Drain” na talagang laganap na sa kabataan ngayon. Iniisip nila nag magandang kinabukasan na naghihintay sa kanila sa Amerika, mas gugustuhin nilang manatili doon kaysa sa dito sa Pilipinas. Totoo, may pagkukulang tayo, bulok ang sistema ng pamahalaan, korupsyon, bagsak ang ekonomiya at marami pang iba. Madalas na walang pondo ang pamahalaan upang tustusan ang pangangailangan ng mga mag-aaral. Patatagalin pa ba natin ito? Bakit hindi natin subukang kumilos? Ako mismo ay naghahangad ng pagbabago dahil gusto kong ipagmalaki sa mundo na Pilipino ako. Kailangan nating burahin ang masamang imahae ni Juan na minsan nang nabansagang tamad.

Kailangan na nating gumising, bumangon at simulan ang pagbabago. Simulan natin ito sa sarili natin.

“ Ang Pagmamahal ”

 

Suzanne Ruiz C.

Noong natutunan kong magmahal sa isang tao ng buong

puso ko. Pero dumating sa pagkakataong ako ay napagod na hindi

dahil sa pagmamahal kundi sinakripisyo ko ang lahat ng meron ako.

 

Nung aking na pagisipan. Binigay ko ang lahat pero ang

natanggap ako ay wala kundi sakit at pag durusa. Ang binalik niya sa

akin.

 

Dumating na sa sandaling siya ay aking minahal ito ay katapusan

na para patunayan ko na minahal ko talaga siya.

 

Na gising ako sa katotohanan na hindi pala dapat sa kanya

ang tunay na pagmamahal na inubos ko ang panahon at ang oras. Na

meron dapat akong pag ukulan ng aking atensyon at panahon.

Ito pala ay aking sarili at ang aking pamilya at mga kaibigan

na nakaligtaan kong bigyan ng kaukulang pagmamahal.

O ito ba ay senyales na ang ibig sabihin ay tama na. At ibigin

ko na lang ang aking sarili.

Mga Magulang bayaning Maituturing

Gail Tolentino

"Nang isilang ka sa mundong ito laking tuwa nang magulang mo"

Isang kanta,ngunit may malalim na kahulugan.Tunay ngang masasabing isang magandang biyaya para sa mga magulang ang magkaroon ng isang anak.Pero ikaw?.... tanungin at suriin ang iyong sarili..masasabi mo bang biyaya kang maituturing ng iyong mga magulang?..

Malaki ang utang na loob nating mga anak sa ating mga magulang lalo na sa itinuturing nating ilaw nang ating tahanan.....ang ating ina o nanay sa tawag nang karamihan.Walang kahit anong bagay dito sa mundo ang maitutumbas natin sa sakit na naramdaman ng ating nanay ng tayo'y ilabas nila sa kanilang sinapupunan.Napakaraming hirap at sakit ang dinanas ng ating mga magulang mapalaki lang tayo at mabigyan nang magandang kinabukasan.lagi nila tayong binubusog sa kanilang mga pagmamahal at pangaral na masasabi kong magagamit nang bawat isang anak sa mga buhay na gusto nating tahakin.

Masasabi ko bilang isang anak,na ang lahat ng mga magulang ay maituturing na isang tunay at kakaibang bayani.Kakaibang bayani sapagkat walang nakakaalam kung hanggang saan ang kayang gawin ng mga magulang para sa kaligtasan ng kanilang mga anak,may mga magulang na alam ko at sigurado akong handang ibuwis ang kanilang mga sariling mga buhay para lang sa kanilang mga anak.

Maswerte ang mga anak na hanggang ngayon ay kapiling pa ang kanilang mga magulang dahil mayroon pa silang oras kung paano nila maipapakita sa kanilang mga magulang ang kahalagahan at pagmamahal nila sa mga ito. At sa mga anak na hindi na nila kapiling ang kanilang mga magulang hayaan ninyong tulungan ang iyong mga sarili upang tuparin ang mga pangarap sa inyo nang iyong mga magulang.

Pamilya ni Jobelle N. Trinidad

Ano nga ba ang ibig sabihin ng pamilya?
Para sa akin,ang pamilya ay isang napakahalagang parte ng ating buhay. Dito nagsimula ang lahat ng ating kaalaman sa simula't simula. Si nanay at tatay ang gumagabay at nagtuturo ng magandang asal, si ate at kuya ang karamay sa away man o kasiyahan. Sa loob ng bahay mararamdaman mo ang tunay na pagmamahal ng isang pamilya, dahil ang isang pamilya ay may pagtutulungan at pagkakaisa sa oras na kailangan mo sila.
May dumarating na pagsubok sa isang pamilya ngunit malalampasan lahat basta't magkakasama,hindi sa lahat ng oras ay masaya. Minsan ay may lungkot na nadarama dahil sa madaming kadahilanan lalo na pag walang pera. Mahirap man o mayaman, basta kumpleto ang pamilya ay ayos na.

Lipunan ni jizelle lopez

Anu na nga ba ang kalagayan ng ating lipunan?
Sa panahon natin ngayon,ang ating bayan ay nahaharap sa mga matitinding krisis at kahirapan tungkol sa iba't ibang aspeto ng ating ekonomiya. Hindi malulutas ito kung walang pagkakaisa ang bawat mamamayan.Ang bawat isa ay nagbubulag-bulagan at nagbibingi-bingihan sa daing ng mamamayan tungo sa pagbabago.
Ngayong nalalapit na ang eleksyon,ay maramdaman man lang sana ng mga tatakbong pangulo ang hirap at pasakit ng ating mga kababayan dahil sa pagtaas ng mga bilihin,mga taong walang trabaho,hindi sapat na sweldo at ang iba't ibang problema ng ating ekonomiya.
Hindi natin dapat pairalin ang katamaran,pagiging sakim at hindi tamang pagtrato sa mga hindi nakakaangat sa buhay. Ang nararapat nating gawin ay magtulungan at magkaintindihan tungo sa maayos at masaganang bansa.

Kabataan Pag-asa ng Bayan

Marami ngayon ang dumating na sa kanilang pagiging kabataan.Mayroon tayong kasabihan na ang kabataan ay ang pag-asa ng bayan.Pero totoo nga ba ito kung marami na sa kabataan ang naliligaw ng landas.Halimbawa na dito ang mga kalalakihang nalululong sa droga at sa masasamang bisyo at mga kababaihang maagang nagbubuntis.Nandito ang iba't ibang paraan upang matugunan ang ganitong uri ng sitwasyon.Sa tulong na din nating mga kabataan.Una,magkaroon ng mabuting samahan ng pagkakaibigan.Pangalawa,unahin muna ang pag-aaral at mga dapat gawin kaysa unahin pa ang masasamang gawain.At ang pangatlo,magbulay-bulay ng mga bagay-bagay sa inyong paligid lalo na't hingil sa kalayaan,katahimikan at kaunlaran ng bayan.Kaya umaasa ang marami na ang kabataan ang pag-asa ng bayan,ang kabataan din ang nagsisilbing susisa magandang kinabukasan.

Kahirapan sa Lipunan

 Rea S. Laureaga

 Sa panahon ngayon marami na ang naghihirap,dahil sa kawalan ng pinansyal,kakulangan ng makakain at kawalan ng hanapbuhay.Maraming kabataan din ang natututong magnakaw dahil sa kahirapan.Marami na din sa atin ang naninirahan na lamang sa tabi ng kalye at sa ilalim ng tulay.

Sa ngayon marami na din sa atin ang walang trabaho,dahil sa hindi nakapag-aral at kawalan ng pinansyal para sa pag-aaral.Marami din ang kabataan na nagugutom.Ngunit,ano ang ginagawa ng kanilang mga magulang?Ang iba'y inuubos ang pera sa pagsusugal.Kaya dapat tayong magsumikap at magkaroon ng pagkakaisa para sa ikauunlad ng ating lipunan at para sa magandang kinabukasan sa ating bayan.